Zaintzaile eta etxeko langileentzat lan aholkularitza eskaintza Andretxean

Eibarko Andretxeak zaintzaileei eta etxeko langileei zuzendutako lan aholkularitza zerbitzua jarri du martxan. Zerbitzu juridiko indibiduala da, lan-eskubideetan espezializatua eta etxeko langileen arretan zein zaintzan esperientzia duena.

Zerbitzuaren bitartez, honako hau eskainiko da: 

• Zaintzaileen eta etxeko langileen lan-eskubideei buruzko orientazioa eta aholkularitza.

• Zaintzaileen eta etxeko langileen prestakuntza-beharretan laguntzea.

• Koordinazioa eta Eibarko Udaleko Gizartekintza sailera bideratzea, gizarte-beharren arabera.

• Bitartekaritza eta aholkularitza gizarteratzearen eta laneratzearen arloan.

• Laguntza berezia enplegagarritasun-maila txikiagoa eta lan-merkatuan sartzeko zailtasun handiagoa duten pertsonei.

Zerbitzua erabili ahal izateko, aldez aurretik hitzordua eskatu beharko da honako bideen bidez:

• WhatsApp bidez: 688 85 34 40 zenbakira idatzita.

• Posta elektronikoz: andretxea@eibar.eus