Zapatua zurigorriz jantzi zuten gurean elkartu ziren Athletic-zaleek

Zapatukoa egun handia izan zen Athletic-zaleentzat zein Peña Txinberaren kideentzat, IV. Gipuzkoa Zurigorria eta Peña Txinberaren 20. urteurrena ospatzeko egun osorako egitaraua prestatu zuten eta. Goizeko 11:00etan txupinazoarekin hasi eta gaueko ordu txikietan amaitu ziren ospakizunak: umeentzako puzgarriak, Eibarko Trikitilari Gazteek lagundutako trikipoteoa, bazkaria, herri-kirolen erakustaldia, Ustekabe txarangak girotutako txikiteoa… eta, eguna biribiltzeko, Los Chimberos, Eirband eta Mugi Panderoa taldeen kontzertuak, bata bestearen atzetik.