Sosolan baserri mundua bertatik bertara ezagutzen

Joan zen zapatuan, Berbetan eta Ongi Etorri programetako hainbat kide eta familia Sosola baserria bisitatzen egon ziren. Goizean goiz autobus txikia hartu eta Sosolara abiatu zen hogeikotea. Bertan zeuden zain Enrike, Aizpea eta Manex semea. Baserriaren inguruko historia entzun eta ingurua bisitatu ondoren, bi taldetan banatuta ogia eta gazta nola egiten duten erakutsi zieten. Eta ez hori bakarrik! egindakoa probatzeko aukera ere izan zuten: gazta, ogi desberdinak, sagar-zukua, sagardoa, gailetak...

Jende askok eman duenez izena, datorren abenduaren 2an, bigarren irteera bat egingo dute, oraingoan ere  ...eta kitto! Euskara Elkartearen eskutik.