Tekniker-ek H2Greem startup espainiarrarekin lankidetzan dihardu hidrogeno berdearen I+G bizkortzeko

Industria deskarbonizatzen lagunduko duten teknologia jasangarri berrien garapenean funtsezko aliatu teknologiko gisa duen posizioa indartzeko asmoz, Teknikerrek lankidetza estrategikoa du H2Greem startup espainiarrarekin hidrogeno berdearen sorkuntzarekin lotutako teknologiak eta produktuak lantzeko. Aliantza estrategiko horrek aukera ematen die bi eragileei baliabideak eta ezagutzak partekatu eta sektoreko erronkei eta beharrei erantzuteko, energiaren merkatuan hidrogenoa ekoizteko teknologia berrien aplikazioa erraztu eta bizkortzeko helburuarekin.

Aliantza honen helburu nagusia protoiak trukatzeko mintzen elektrolizagailuen (PEM, ingelesezko izenen siglak) ikerketa eta eskalatze industriala bultzatzea da, hidrogeno berdea prezio lehiakorrean sortzeko. PEM teknologiak abantaila handiak ditu, esaterako, lortzen duen hidrogenoaren garbitasuna eta energia berriztagarrien instalazioetan integratzeko erraztasuna.

Teknikerrek H2Greem-ek garatutako hainbat ekipamendu ditu, materialak eta osagaiak aztertzeko eta energia sortzeko sistema horiek fabrikatzeko konbinaziorik onena aurkitzeko balio dutenak. Teknikerrek H2Greem-ekin duen lankidetzak bultzada ematen dio Teknikerrek hidrogeno berdearen alde egindako apustuari, eta aukera ematen dio zentro teknologikoari merkatuaren premiak zuzenean ezagutzeko eta, ondorioz, bere ikerketa-jarduera egokitzeko. Teknikerren apustuak hainbat jarduera hartzen ditu hidrogeno berdearen balio-kate osoan: sorrera, biltegiratzea, garraioa eta mugikortasun- eta industria-arloko aplikazioak.