Eskola-jarduera presentziala eten egingo da ikastetxe guztietan hurrengo hamabost egunetan
2020/03/12
14:10
eta kitto!
Koronabirusari aurre egiteko Eusko Jaurlaritzak ikastetxe guztiak ixteko erabakia Bizkaira eta Gipuzkoara zabaltzea erabaki du gaur.
COVID-19 koronabirusak EAEko lurralde osoan izandako aurrerapenaren aurrean, eta Eusko Jaurlaritzako Osasun Sailaren jarraibideei jarraituz, “Euskal Autonomia Erkidegoko ikastetxe guztien eskola-jarduera presentziala aldi baterako etetea” erabaki du Hezkuntza Sailak.
Etenaldi horrek 15 eguneko iraupena izango du bihartik aurrera, martxoaren 13tik aurrera. Ondorioz, bertan behera geratzen da Arabako, Bizkaiko eta Gipuzkoako ikastetxeetan aurrez aurreko eskola-jarduera guztia, bai eta Haurreskolak Partzuergoaren mendeko haur eskoletan ere.
Azaldu dutenez, “nolanahi ere, eskola-jardueraren aldi baterako etenaldia ez da eskola-jardueraren etenalditzat hartu behar; aitzitik, ahalegina egin behar dugu ikasleek egunero etxean ikasteko ohiturari eutsi diezaioten”. Horregatik, ikastetxeetako langileak beren ohiko ordutegian egotea erabaki da, “irakasleei dagokie material didaktikoa prestatzea eta ikasleen eskura jartzea, ahal den neurrian, modu ez-presentzialean lan egiten jarraitu ahal izan dezaten”. Hezkuntza-komunitateko kide guztien erantzunkidetasuna eskatzen dute, “salbuespenezko eta ezohiko aldi hau behar bezala kudeatzeko. Aldi berean, lankidetza ere eskertzen dugu “.
Horrez gain, Osasun Sailak gomendatzen du, nahiz eta ikasleek etxeko bizitza normala egin dezaketen, ahal den neurrian saihestu dezatela taldeko jarduerak egiten diren esparru itxietan egotea. Era berean, osasun-agintarien gomendioak betetzeko eskatzen dute, hartutako neurriek birusa kontrolatzen lagunduko dutelakoan.
Ikasleekin edo irakasleekin egiten diren mota guztietako irteerei dagokienez, Osasun Sailaren jarraibideak bete behar dira. Une honetan horiek saihestea gomendatzen du Hezkuntza sailak. Ikastetxeek zabalik izango dituzte familiekin komunikatzeko ohiko bideak, horri buruzko informazio eguneratu guztia helarazteko.
Informazio eguneratua eta jarraibide operatibo gehigarriak izateko, sailaren webgunearen barruan atal bat gaitu da, gomendioak eta mezu berriak aldizka helarazteko.
https://www.euskadi.eus/koronabirusari-buruzko-informazioa/web01-s2hhome/eu/
COVID-19 koronabirusak EAEko lurralde osoan izandako aurrerapenaren aurrean, eta Eusko Jaurlaritzako Osasun Sailaren jarraibideei jarraituz, “Euskal Autonomia Erkidegoko ikastetxe guztien eskola-jarduera presentziala aldi baterako etetea” erabaki du Hezkuntza Sailak.
Etenaldi horrek 15 eguneko iraupena izango du bihartik aurrera, martxoaren 13tik aurrera. Ondorioz, bertan behera geratzen da Arabako, Bizkaiko eta Gipuzkoako ikastetxeetan aurrez aurreko eskola-jarduera guztia, bai eta Haurreskolak Partzuergoaren mendeko haur eskoletan ere.
Azaldu dutenez, “nolanahi ere, eskola-jardueraren aldi baterako etenaldia ez da eskola-jardueraren etenalditzat hartu behar; aitzitik, ahalegina egin behar dugu ikasleek egunero etxean ikasteko ohiturari eutsi diezaioten”. Horregatik, ikastetxeetako langileak beren ohiko ordutegian egotea erabaki da, “irakasleei dagokie material didaktikoa prestatzea eta ikasleen eskura jartzea, ahal den neurrian, modu ez-presentzialean lan egiten jarraitu ahal izan dezaten”. Hezkuntza-komunitateko kide guztien erantzunkidetasuna eskatzen dute, “salbuespenezko eta ezohiko aldi hau behar bezala kudeatzeko. Aldi berean, lankidetza ere eskertzen dugu “.
Horrez gain, Osasun Sailak gomendatzen du, nahiz eta ikasleek etxeko bizitza normala egin dezaketen, ahal den neurrian saihestu dezatela taldeko jarduerak egiten diren esparru itxietan egotea. Era berean, osasun-agintarien gomendioak betetzeko eskatzen dute, hartutako neurriek birusa kontrolatzen lagunduko dutelakoan.
Ikasleekin edo irakasleekin egiten diren mota guztietako irteerei dagokienez, Osasun Sailaren jarraibideak bete behar dira. Une honetan horiek saihestea gomendatzen du Hezkuntza sailak. Ikastetxeek zabalik izango dituzte familiekin komunikatzeko ohiko bideak, horri buruzko informazio eguneratu guztia helarazteko.
Informazio eguneratua eta jarraibide operatibo gehigarriak izateko, sailaren webgunearen barruan atal bat gaitu da, gomendioak eta mezu berriak aldizka helarazteko.
https://www.euskadi.eus/koronabirusari-buruzko-informazioa/web01-s2hhome/eu/
