Poltsa industrialak ezin direla beira-edukiontzietan utzi ohartarazi dute Mankomunitatetik

Poltsa industrialak ezin direla beira-edukiontzietan utzi ohartarazi dute Mankomunitatetik
ETA KITTO 2022, Ots 03

Makomunitatetik adierazi dutenez, “azken hilabeteetan ohikoa izaten ari da beira-edukiontzien barruan poltsa industrialak ikustea. Horregatik, Mankomunitateak hainbat pegatina jarri ditu edukiontzietan herritarrei, eta batez ere tabernariei, mezu argi bat helarazteko: ezin da inolako poltsarik bota edukiontzi hauetara.

Tabernetan edo establezimenduetan sortzen den beira-poltsetan jasotzen bada ere, poltsak hustu egin behar dira edukiontzian, baina ezin dira edukiontzi barrura bota. Izan ere, “birziklapena oztopatzen dute eta edukiontziak hondatzen dituzte”, azaldu dute. Hori horrela, Mankomunitateak mesedez eskatzen die inolako poltsarik ez botatzeko beira edukiontzietara.

Gaiarekin zerikusia duten albisteak

« »