Zer egin behar dut antigenoetan positibo eman badut edo kontaktu zuzena banaiz?

0    Gizartea 
ETA KITTO ETA KITTO
Zer egin behar dut antigenoetan positibo eman badut edo kontaktu zuzena banaiz?
ETA KITTO 2022, Urt 03

Gotzone Sagardu Osasun Sailburuak adierazi duenez, “zaintza eta miaketa pertsona positiboetan zentratuko da, eta bereziki kolektibo kalteberetan”, hau da, adinekoetan, haurdun dauden pertsonetan, immunodepresioa duten pertsonetan eta txertatu gabeko pertsonetan. Osakidetzak jarraipen proaktiboa egingo die pertsona horiei.

Sailburuak azaldu duenez, txertaketari esker, kutsatutako pertsona gehienek isolamendua, atsedena eta antitermikoren bat (parazetamola) behar duten koadro arinak dituzte. Pertsona horiek isolatuta egon beharko dute, eta Osakidetzak ez du jarraipen proaktiborik egingo kolektibo kalteberetan arreta jartzeko. Argi utzi du sintomek okerrera egiten badute edo arnasa hartzeko zailtasuna badago, orduan jarri beharko direla harremanetan osasun-zentroarekin.

 

Antolamendu- eta logistika-izaerako beste erabaki batzuk.

Beste formulario berri bat prestatuko da, COVIDekin bateragarria den sintomatologia duten pertsonek proba diagnostikorako hitzordua Euskadi.eus webgunearen bidez jaso ahal izan dezaten. Osasun-zentrora deitu ahal izango da, baina telefono-kanalak eta erantzuna arintzeko neurri bat da. Beste formulario batzuekin funtzionatzen duela egiaztatu dugu.
-Emaitzak denbora laburragoan lortzeko, antigeno-proba gehiago egingo dira. Horrek arindu egingo du lagina hartzea eta emaitzak lortzea, laborategiak arinduz.
-Leku batzuetan tarteko puntuak ezarriko dira lagin diagnostikoak hartzeko. Txertaketa-puntuen antzekoa izango litzateke, laginak hartzeko gaitasuna handitzeko espazioak sortuz.
Call centre-a indartu egingo da, COVIDarekin lotutako kontsultak eremu horretara bideratu ahal izateko.
-Azkenik, zeregin burokratikoa arintzeko lehen mailako arretan, aldi baterako ezintasunak kudeatzeko atal bat ere jarriko da webgunean, kasu positiboetarako aldi baterako ezintasunak kudeatzeko.

 

EGOERA ZEHATZEN ADIBIDEA

Sintomak ditut. Zer egin behar dut?   https://www.euskadi.eus/nola-jokatzen-dut/web01-a2korona/eu/#9579
Sintoma ohikoenak honako hauek dira: sukarra, eztula, eztarriko mina, aire faltaren sentsazioa edo usaimena galtzea, besteak beste.
– Sintoma hauetakoren bat nabaritzen baduzu:
(1) AISLAMENDUA: gera zaitez etxean.
(2) Sartu datuak hurrengo INPRIMAKIAN SMS bidez hitzordua jasotzeko edota OSASUN-ZENTRORA DEITU.
(3) Sintomekin hasi aurretik egon zaren pertsonen ZERRENDA bat prestatu.
-Osakidetza zurekin harremanetan jarriko da.
-Txertoa jarri badidate ere egin behar dut? BAI.

 

Positibo eman dut. Zer egin behar dut?   https://www.euskadi.eus/nola-jokatzen-dut/web01-a2korona/eu/#874

SMS bat jasoko duzu emaitzarekin eta egin behar duzunaren argibideekin
ISOLAMENDUA: isolamenduan egon beharko duzu sintomak hasten direnetik edo proba egin zizutenetik gutxienez 10 egunez. Informazio gehiago.
SINTOMEN JARRAIPENA: gehienetan gaixotasunak sintoma arinak izaten ditu (sukarra, eztula, eztarriko edo buruko mina, nekea edo usaimena edo gustua galtzea).
Sintomek okerrera egiten badute edo arnasa hartzeko zailtasunak badituzu, orduan bai, jarri harremanetan zure osasun-zentroarekin.
-KONTAKTUAK: identifikatu zure kontaktuak transmisioa geldiarazteko eta beren proben tramitazioa arintzeko (txertatuta egon zein ez), eska iezaiezu hurrengo inprimakian alta emateko.
(*) Emaitza “zehatza” ez bada, proba errepikatu beharko duzu. Bitartean, isolamenduan geratu behar zara. SMS bidez beste hitzordu bat jasoko duzu emaitza baieztatzeko.

 

Kontaktu estua naiz. Zer egin behar dut?  https://www.euskadi.eus/nola-jokatzen-dut/web01-a2korona/eu/#5031

Kontaktu estua kasu positibo baten leku berean, 2 metro baino gutxiagora eta 24 ordutan, guztira, 15 minutuz baino gehiagoz maskara etengabe eta behar bezala erabili gabe egon den edozein pertsona da.
Proba diagnostikorako hitzordua Osakidetzan
Ez dago zertan itxaron Zaintza eta Miaketa Sareak deitu arte. Honako inprimaki hau betetzen baduzu, proba diagnostikoa egiteko hitzordua jaso ahalko duzu.
Berrogeialdia
Txertaketa-jarraibide osoa baduzu edo COVID bidezko infekzio aktiboa izan baduzu azken 90-180 egunetan, proba diagnostiko bat egin beharko duzu (bete formularioa). Emaitza negatiboa bada, ez duzu koarentenarik egin beharko, baina prebentzio-neurriak zorroztu beharko dituzu, eta COVID-19arekin bateragarriak diren sintomak ager daitezkeen zaindu.
-Txertoa osorik hartu ez baduzu, koarentena eta proba diagnostiko bat egin beharko dituzu lehenbailehen (bete formularioa). Emaitza negatiboa bada, beste proba bat egin beharko duzu, eta hitzordua SMS bidez jasoko duzu, lehenengotik 8 egun igaro ondoren.

Gaiarekin zerikusia duten albisteak

« »