Josu Uriarte izan zen lehena Arratera iristen

26 minutu eta 54 segundo behar izan zituen Uriartek Klub Deportiboaren aurretik irten eta Arrateko zelaira iristeko domeka goizean jokatutako Simon Aldazabal Igoeraren 20. edizioan. Atzetik izan zituen Pello Osoro, 30 segundora, eta Igor Fernandez, 2 minutu eta 15 segundora. 45 atleta izan ziren parte hartzen eta Jokin Azkoagak jaso zuen Oberena harategiak emandako saria Urkizuko iturritik pasatzen lehena izatean. Bestalde, oraingoan Gabonetan bueltan jokatzen den San Silbestre lasterketaren antolatze lanetan dihardutenak omendu zituzten “urteotan egindako lan isil eta ederra eskertzeko”.

Sailkapenak ikusteko Klub Deportiboko webgunean begiratu: https://www.deporeibar.com/atletismoa/