ETA KITTO
Eibarko Musika Bandak Jesus Guridi euskal konpositorearen kontzertu monografikoa eskainiko du martxoaren 13an, domekan, eguerdiko 12:30ean. Oraingo honetan, bandak formatu berria aurkeztuko du, ‘Banda Sinfonikoa’ izenekoa, hari-instrumentuen laguntzarekin.
Eibarko Musika Bandak ‘El Caserio’ zarzuelaren preludioa, ‘Mirentxu’ operaren preludioa, ‘Diez Melodías Vascas’ obra eta ‘El Caserio’ zarzuelaren fantasia interpretatuko ditu.
Sarrera dohainik izango da, baina gonbidapenak Coliseo antzokiko leihatilan eta Kutxabanken webgunean eskuratu behar izango dira.
