Idazlearekin Harixa Emoten literatur tertulia egingo da gaur Uxue Apaolazarekin

Gaur 19:00etan egingo da Idazlearekin Harixa Emoten euskerazko irakurle taldearen saioa, Juan San Martin liburutegian. Oraingo honetan Uxue Apaolaza izango da gonbidatutako idazlea eta “Bihurguneko nasa” ipuin liburuari buruz egingo du berba. Betiko moduan, saioan parte hartzen duten irakurleek liburuari buruzko galderak edo iruzkinak egiteko aukera izango dute. Ainhoa Aldazabalek zuzenduko du saioa.

Liburutegiak …eta kitto! Euskara Elkartearekin elkarlanean antolatutako jarduera da honako hau.