Poesia eta musika errezitaldia eskainiko dute zapatuan, Liburutegien Eguna ospatzeko

0    Kultura 
ETA KITTO ETA KITTO
Poesia eta musika errezitaldia eskainiko dute zapatuan, Liburutegien Eguna ospatzeko
ETA KITTO 2020, Urr 15

Zapatuan, 19:00etan, “El día que me quieras” errezitaldi poetiko-musikala hartuko du Portaleko areto nagusiak. Maite Lorenzok hainbat olerki errezitatuko ditu, Alberto Luis Eguiak teklatuarekin lagunduta: León Felipe, Juan Carlos Mestre, María Teresa Cervantes, Blanca Sarasua, Julio González, Ángela Figuera, Julián Borao, Rosalía de Castro, Javier Arnaiz eta beste hainbaten lanekin osatutako sorta eskainiko dute.

Liburutegien Egunaren ospakizunaren barnean egingo da saioa eta sarrera doan izango da, baina, edukiera kontrolatu ahal izateko aurretik izena eman beharko da, Liburutegian bertan, telefonoz (943 70 84 37) edo e-mailez (liburutegia@eibar.eus).

Gaiarekin zerikusia duten albisteak

« »