ETA KITTO
Isaki Lacuestaren “Un año, una noche”, Jaume Collet Serraren “Black Adam” eta Olivia Newman-en “La chica salvaje” eskainiko dituzte zapatutik astelehenera arteko Coliseoko zine programazioan. Aurreko asteburuan ere bota zuten “La chica salvaje” oraingoan 1 Aretoan emango dute: zapatuan, 22:30ean, domekan 20:00etan eta astelehenean 20:30ean. Isaki Lacuestaren “Un año, una noche” pelikulak 2 Aretoan izango du tokia, bost proiekzioekin: zapatuan, 19:45ean eta 22:30ean; domekan, 17:00etan eta 20:00etan; eta Ikuslearen Egunean, astelehenean, ohiko 20:30ean. “Black Aman”, azkenik, 1 Aretoa eta Antzokiaren artean banatuko dute, zapatuan antzerki-lana izango delako Antzokian. Umeentzako pelikulari dagokionez, oraingoan Vasiliy Rovenskiy-ren “Operación bebé oso” emango dute, ohiko ordutegiko bi proiekzioekin: zapatuan eta domekan, 17:00etan hasita, lehenengoa 2 Aretoan eta bigarrena Antzokian.