Apirilak 29

1931. urteko apirillaren 29xan Arrate eta Gorosta balleko basarrittarrak euren alkate Gregorio Atxa-Orbea jarri eben, Alejandro Telleria alkatiaren eskutik. Orbekua ez zan, baiña, sekula be partidu politiko baten be afiliauta egon; halanda be, “pentsakeraz errepublikanua zan”. Agiña balleko alkate Eladio Gisasola Zumaran izendau eban alkatiak. Gaiñera, alkatiak Mataderoko juntia be jarri eban: Gregorio Atxa-Orbea, Eladio Gisasola, Felix Areta eta Jose Mari Atxa “Gaiñeko”-k osatuko eben.

Egun berian Republikako presidentiak, Niceto Alcala Zamorak, erabagi eban Eibarko eta Jacako herrixeri “Muy Ejemplar Ciudad” titulua emotia, II. Republikia etaratzeko egindakuarengaittik. Eta Republikako Legietako batekin, animalixen burrukak kendu egin ziran; halanda be, bai Gipuzkuan bai Bizkaixan, oillar burrukak eta adari topekak jokatzen ziran gerora be: Eibarren, Jose Luis Muñoyerro “Munitibar”-ek diñuanez, domekero izaten ziran adari-topekak, Azkoitti eta Azpeittixan be bai.