Haurrei eta nerabeei laguntzeko telefonoa
Zeuk Esan haurrei eta nerabeei laguntzeko zerbitzua da, eta informazioa, orientazioa eta aholkularitza eskaintzen die adingabeei eta haien inguruan dauden helduei. Horretarako dago 116111 telefonoa. Urtean 365 egunetan 24 orduz funtzionatzen du, eta deia guztiz doakoa da.
Telefono bidezko zerbitzu hori gero eta ezagunagoa eta eskuragarriagoa da haur eta nerabeen artean. 2024an 2.197 kontsulta jaso dira guztira, aurreko urtean baino 572 gehiago. Azken hamabi urteetako kontaktu-kopururik handiena.
Azpimarratzekoa da nola handitu den zerbitzu hori erabili duten 12 urtetik beherako haurren ehunekoa. Erradiografia sozial gisa balio digun argazki beldurgarria da, agerian uzten dituena familien komunikazio falta, gorantz doan isolamendua eta zerbitzu hau, larrialdiko baliabide gisa, erabiltzeak eragiten duen desesperazioa.
Komunikaziorik ezak eta isolamenduak areagotu egin dute adingabeek euren ahotsa, beldurrik gabe, sentsibilitatez eta kritikarik gabe, baten batek entzuteko duten premia.
Kontsulten kopuruak gora egiten ari dira, eta horrek erakusten du helduak apenas gaudela gure adingabeen errealitatean, bizi dituzten errealitateak gutxiesten direla edo ingurukoentzat ez direla nahikoak, eta haurrei eta nerabeei autokudeatzen uzten diegula laguntasun falta batetik, deskonexioa eta deserrotzea bultzatuz.
Adingabeekiko komunikazio-urruntzearen erantzukizuna sare sozialei, pantailei... egozten diegunean, inguruko helduen erosotasuna gutxienez maila batean handitu dela aztertzeko ariketa bat proposatzen dut.
Datuek hausnarketa sakona egitera eraman beharko gintuzkete. Gure adingabeak bizitzarekin konektatzen laguntzen ari gara, behar bezain presente egonda?
