250 zuhaitz landatu ziren atzo auzolanean Korrika kulturalaren egitarauaren baitan
2024/03/04
09:20
eta kitto!
Korrika kulturaleko egitarauaren barne, zuhaitz landaketa egin zuten atzo, domeka, Akilar ondoko lursailean. Eguraldi kaskarrari aurre eginez, 30 lagun inguru bildu ziren bertan, denon artean 250 zuhaitz landatzeko. Ekimena eskualdeko AEK euskaltegiek (Eibar, Elgoibar eta Soraluze) antolatu zuten, Soraluzeko Baso Biziak elkartearekin elkarlanean eta Soraluzeko Udala eta Lurgaia Fundazioaren babesarekin.
