"Algo más que un plato digno de comida" hitzaldia eskainiko dute Zaporeak-eko kideek bihar Portalean

Ikasten-ek antolatuta, Zaporeak proiektuko kideek hitzaldia eskainiko dute bihar, osteguna (hilak 18), Portalean, proiektua gertutik ezagutarazteko asmoz. Saioa 10:00etatik 12:00etara izango da, eta sarrera doakoa eta irekia izango da.

Hitzaldian, Zaporeak ekimenaren lana eta helburuak azalduko dituzte, eta bereziki azpimarratuko dute Debabarrena eskualdea elikagaien bilketan eredu dela. Era berean, Donostiako Santo Tomas azokaren baitan egiten den ekimena ere izango dute hizpide; izan ere, bertan urtero diru kopuru handia biltzen da Zaporeaken jarduna babesteko. Aurten 10. urteurrena betetzen du Santo Tomas eguneko ekimenak eta laguntza humanitarioa Palestinara ere eraman nahi dutela iragarri dute.

Antolatzaileen esanetan, hitzaldiaren helburua herritarrei Zaporeak zer den eta egiten duen lana gertutik ezagutzeko aukera eskaintzea da, baita elkartasunaren garrantziaz hausnartzea ere.

Herritar guztiak daude gonbidatuta hitzaldira bertaratzera eta Zaporeak proiektua barrutik ezagutzera.