[ IKASENPRESA azoka ] EAEko Lanbide Heziketako 1.800 ikasle hartuko ditu ostegun honetan Eibarrek

Ostegun honetan, otsailaren 9an,  Ikasenpresa Azokaren 12. edizioa egingo da Eibarren. Modu horretan, pandemiaren ostean normaltasuna berreskuratuko da (aurrez aurreko azken edizioa 2020an izan zen). Oraingoan EAEko Lanbide Heziketako 1.800 ikasle izango ditu, gaur goizean Jon Iraola Eibarko alkateak, Ana Telleria Garapen Ekonomiko, Enplegu eta Berrikuntzako zinegotziak, Jon Labaka Tknikako zuzendariak, Pili Díez eta Ergiña Urcelay Ikasenpresa programaren arduradunek jakitera eman duten bezala.

Prentsaurrekoan, Eibarko LHko ikastetxeetako ikasleak ere izan dira (Armeria Eskola-Uni Eibar-Ermua). 350 Ikasenpresa inguruk beren produktuak erakutsiko dituzte goiz osoan (10:00etatik 13:00etara) Txaltxa-Zelain eta Untzaga plazan, Ekitaldia Tknikak (Euskadiko LHko Ikerketa eta Berrikuntza Aplikatuko Zentroa) antolatzen du –Eusko Jaurlaritzako Hezkuntza Sailaren menpe dagoen atala,  Eibarko Udalaren eta Eibarko Oinarrizko Lanbide Heziketako enpresen lankidetzari esker.

 

IKASENPRESAREN KULTURA EKINTZAILEA
Enpresa txiki bat sortzea eta abian jartzea da Ikasenpresak Euskadiko Lanbide Heziketako erdimailako eta goi-mailako ikasleei planteatzen dien erronka. Euskadiko LHko eredu metodologikoaren barruan lan egiten da, eta eredu horretan funtsezkoa da irakasle-taldearen lankidetza-lana.

Ikasenpresa enpresa-simulazioa ere bada: eskaintzen den produktua edo zerbitzua benetakoa denez, irakasleen lankidetza-lan horrek negozio-ideiak lanbide-arloarekin lotuta egotea, berritzaileak izatea eta zikloko irakasle-talde osoa inplikatuta egotea ahalbidetzen du. Negozio-ideiak aztertzen ari diren lanbide-arloekin lotuta daude, eta pertsonen edo haien ingurunearen bizi-kalitatea hobetzera eta iraunkortasuna kontuan hartzera bideratuta egon behar dute.

2023ko DATUAK
-Parte hartzen duten ikastetxeak: 50
-Parte-hartzaileak: 339 Ikasenpresak (programan dauden 1.000 ikasleetatik bat)
-Ikasleak: 1.800 inguru / Irakasleak: 106

PRODUKTUAK
Produktuak eta zerbitzuak askotarikoak dira; izan ere, gehienak lanbide-arlokoak dira, eta ikasten ari dira, irakasle teknikoekin lankidetzan. Proiektu gehienak eremu hauetan garatzen dira:
-Jarduera fisikoak eta kirolak
- Industrialak
-Irudi pertsonala
-Ostalaritza eta turismoa
-Informatika
-Diseinua
-Gizartearentzako zerbitzuak
-Arte grafikoak
-Nekazaritza eta arrantza
- Informatika
- Zerbitzuak

ADIBIDEAK:
-Kalistenia-zirkuitua (gimnasia parkeetan)
-Basoen digitalizazioa, arazoak prebenitzeko.
-Herririk herri eramaten ditugu kirol-saio gidatuak: gap, aerobik, step,...
- Labore-lurren konposizioa aztertzea eta ongarri naturalak fabrikatzea.
-Hidrogeno berdea sortzea energia-iturri gisa
-Estetika eta ongizateko zerbitzu integralak
-Marketin-aholkularitza
-Bizikletak bizikleta elektriko bihurtzea
-Ibilgailu klasiko eta historikoentzako pieza deskatalogatuak (eskaneatzea eta 3D
inprimatzea)