Aratosteetako Play Back lehiaketan izena emateko epea zabalik dago

Aratosteetako Play Back lehiaketan izena emateko epea zabaldu du …eta kitto! Euskara Elkarteak. LHko 5. eta 6. mailetako ikasleei zuzenduta dago lehiaketa eta taldeak, asko jota, sei lagunez osatuko dira. Talde bakoitzak abesti bakarraren koreografia eta dantza egingo du. Jakina, abestiak euskaraz izango dira. Abestia MP3 formatuan grabatuko da eta taldearen izena, ikastetxea, abestia eta parte-hartzaileen datuekin batera bidaliko da banaketa@etakitto.eus helbidera otsailak 24 baino lehen. Hiru sari izango ditu lehiaketak, mozorro, interpretazio eta koreografia onenari, baina parte-hartzaile guztiek jasoko dute oparia. Martxoaren 2an, domeka, egingo da lehiaketa Errebal Plazan 17:00etan, baina parte-hartzaileek 16:30erako egon beharko dute bertan.