[ARGAZKIAK] Eguerdian Sagardo Egunean egindako argazkiak ikusgai ipini ditugu

Eguzki ederrarekin ekin zaio gaur eguerdian …eta kitto! Euskara Elkarteak antolatzen duen Sagardo Egunaren XXVII. ediziori, Untzaga plazan. Jendetza animatu da jaiarekin bat egitera eta plaza bete-beteta egon da, bazkaltzera joateko ordura arte. Arratsaldean, 19:00etan itzuliko da festa, sagardo guztia amaitu arte.

Zortzi euroko tiketa erosita nahi beste sagardo probatzeko edalontzia, zapia eta pintxoa hartzeko aukera izango dugu; txorizo- edo gazta-pintxoa bera bakarrik bi eurotan salduko da. Gipuzkoako Sagardogileen Elkarteak ekarriko du sagardoa, hamahiru sagardotegitatik: Alorrenea, Altzueta, Astarbe, Barkaiztegi, Begiristain, Bereziartua, Gartziategi, Gaztañaga, Izeta, Lizeaga, Olaizola, Sarasola eta Zelaia.

HEMEN DAUKAZUE GOIZEKO ARGAZKIEKIN OSATU DUGUN BILDUMA:

[foogallery id="123015"]