Arrateko Amaren omenezko jaiak bideo honetan laburbildu ditugu
Aurreko asteburuan ospatu genituen Arratek jaietako irudiak bideo honetan laburbildu ditugu.
2024/09/14
22:11
eta kitto!
Bideo honetan bezperako kontzertuak, bertso-afaria, Arrate eguneko Meza Nagusia, prozesioa, Kezka taldearen dantzak, Kittonbolia, txosnak, dantza solte txapelketa, Emepebost taldearen erromeria... jaso ditugu.
Aurreko asteburuko ospakizunak amaituta, bihar agurtuko ditugu Arrateko Amaren omenezko jaiak, Kofradia eta Baserritar Erretiratuen Egunerako antolatutako programarekin. Eibarko Klub Deportibotik 10:30ean abiatuko den Simon Aldazabal XXIX. Lasterketarekin hasiko da eguna. Ondoren, 11:00etan Meza Nagusia ospatuko da santutegian, bertsolarien parte-hartzearekin, eta jarraian prozesioa hasiko da, Usartza Txistulari Bandak lagunduta. Eguerdiko 12:00etan, berriz, Udalak antolatutako paella-lehiaketa hasiko da, eta sariak 14:00etan banatuko dituzte. Eta, amaitzeko, 17:30etik aurrera idi-probak jokatuko dira, hiru idi-parerekin: Soarte (Elgoibar), Iker Zubillaga “Igeldo” (Ezkio-Itsaso) eta Eibarko Vicente Areta “Mendigoitti”.
