Astelehenean jarriko dira salgai Arrateko Bertso Afariko sarrerak

Uztailaren 14an, astelehena, jarriko ditu salgai ...eta kitto! Euskara Elkarteak aurtengo Arrateko Bertso Afarirako sarrerak. Euskara elkarteko bazkideek izango dute sarrerak erosteko lehentasuna. Ohikoa baino 2 euro merkeago (38€), astelehenean hasita uztailaren 23ra arte ...eta kitto!-n (Urkizu 11 solairuartea). Uztailaren 24tik aurrera, berriz, ohiko lekuetan egongo dira salgai: Kultu, Guridi eta Tiro Pitxonen 40€-tan.

32. edizioa izango den honetan ere puntako bertsolariek jardungo dute Tiro Pitxonen, irailaren 7an, domeka: Maialen Lujanbio, Iker Zubeldia, Maider Arregi eta Andoni Egaña. Gai-jartzaile lanetan, berriz, Jon Mikel Mujika arituko da.