Aurkeztu dituzte UEUren 50. Udako Ikastaroak eta izen-ematea zabalik dago
2022/05/12
11:48
eta kitto!
UEUren 50. Udako Ikastaroak aurkeztu dituzte Kepa Sarasola UEUko Zuzendariak, Irati Iciar UEUko Udako Ikastaroetako arduradunak eta Pauline Guelle UEUko zuzendaritzako kideak. Aurten 50 urte beteko dituzte Udako Ikastaroek eta, hori dela eta, edizio berezia izatea nahi dute. Asmo horrekin 22 jardunaldi eta topaketa antolatu dituzte, hainbat eragileekin elkarlanean. Biarritzen egingo den “50 urte UEUgintzan” jardunaldiak emango die hasiera ikastaroei. Izena emateko epea jadanik irekita dago eta ikastaroa hasi baino astebete lehenago arte egin ahal izango da matrikula. Informazio gehiago izateko zein matrikula egiteko, www.ueu.eus helbidera jo.
- UDAKO IKASTAROAK . ELKAR EKIN. 2022
- 50 urte UEUgintzan. Udako Ikastaroen Hasiera Ekitaldia. (Biarritz, maiatzak 21)
- 1. astea: ekainak 27-uztailak 1
- Zientziaren balioak egia-ostearen garaietan. (Iruñea, ekainak 27)
- Mendebaldeko Mito Bilketa. (Bilbo, ekainak 27)
- Lurralde eko-euskaldun eta euskal-feministarik bai ote? (Iruñea, ekainak 28)
- Nola gainditu Murphyren legea? Euskal utopia irudikatzeko ariketa kolektiboa.(Eibar, ekainak 28 eta 29)
- Informazio eta Dokumentazio Kudeatzaileen VIII. Bilkura: Liburutegi, artxibo eta atari digitalak: digitalizazioaren erronkak Euskal Herrian. (Eibar, ekainak 29)
- Helduen Euskalduntze Alfabetatzea (HEA): sustraiak eta adarrak. (Glotodidaktika VII. Topaketa). (Eibar, ekainak 29)
- Unibertsitate-jakintzaren komunikazioa: liburuak, aldizkariak, ikus-entzunezkoak, sare sozialak... (Bilbo, ekainak 29)
- Euskal curriculuma: egungo esperientziak eta etorkizuneko aukerak. (Donostia, ekainak 29)
- Zero kilometroko arkitektura: azpiegitura berriak sortzaileen eskutik (bisita gidatua). (Eibar, ekainak 30)
- Adimen Artifiziala: filosofia eta teknologiaren bilgune. (Donostia, uztailak 1)
- IEB2022. Informatikari Euskaldunen XII. Bilkura: Adimen Artifiziala. (Donostia, uztailak 1).
- Historialari Euskaldunen Nazioarteko VI. Topaketa: Egungo ikerlerroak eta etorkizunerako aukerak. (Eibar, uztailak 1).
- astea: uztailak 4-8
- Irakasleentzat literatura irakurtzeko eta ikertzeko tresnen bila. Irakurketa feminista eta kolektiboa. (Eibar, uztailak 4 eta 5)
- Online irakaskuntzaren testuinguruak eta horietarako eredu teknologikoak. (Eibar, uztailak 5)
- Enpresa euskaldunaren erronkak. (Eibar, uztailak 5)
- EH2040: demografia, zaintza eta hizkuntza (Jakin jardunaldia). (Usurbil, uztailak 7 eta 8)
- astea: uztailak 11-15
- Iraganetik etorkizunera: euskara natur zientzietan. (Baiona, uztailak 11)
- Euskararen aldeko diskurtsoen berritzea. Eta orain, zer, nork, nola? (Baiona, uztailak 12) - Laster ikusgai.
- Euskara Gaitasuna Lantzen (Baiona, uztailak 11) - Laster ikusgai
- Matematikari Euskaldunen V. Topaketa (MateTop). (Eibar, uztailak 13).
- Hizkuntzalari Euskaldunen VI. Topaketa. Euskararen garapena alor akademikoetan: lorpenak eta egungo erronkak. (Eibar, uztailak 14)
