Azoka eta flashmoba, euskaraz bizitzeko nahia aldarrikatzeko

Zapatuan (irailaren 20an) Eibarren Euskaraz Bizi Nahi Dut egitasmoa burutuko da. Iazko moduan Euskararen Azokan kalera aterako da euskerarekin lotuta gure herrian dagoen eskaintza, herritarrek bertatik bertara ezagutu dezaten. Horrekin batera aurten flashmob-a egingo da, 13.00etan eta 13.30etan. Horretarako Esne Beltzaren "Euskaraz Bizi Nahi Dut" abestiarekin dantzatzeko koreografia prestatu dute (hemen bideoa). Animatu, ederto pasatuko duzue eta!

Eibarren Euskaraz Bizi Nahi Dut

11.00etatik 14.00etara.- Euskararen Azoka, Untzaga plazan (euria bada, udaletxeko arkupeetan).

13.00etan eta 13.30etan.- Flashmob-a: "Euskaraz bizi nahi dut". Untzaga plazan (euria bada, udaletxe barruan, patioan).

22.30.- Bertso Musikatuak, Hankamotxak bertso eskolakoen eskutik: Arkaitz Oiartzabal "Xamoa", Beñat Gaztelumendi, Jokin Labayen eta Manex Mujika bertsolariak, Ixak Arruti eta Antton Aranburu gitarrajoleak eta Haritz Casabal gai-jartzailea. Txalatxa Zelaiko kioskoan .