Bakillauaren Kofradixiak domekan egingo du Batzar Nagusia
2014/11/21
00:00
eta kitto!
Bakillauaren Kofradixiak 21. Batzar Nagusia egingo du domekan. Goizeko 10.30etan ongi-etorria egingo zaie kofrade guztiei eta, jarraian, hamarretakoa eskainiko zaie Iruki sagardotegian, handik ordubetera Usartza taldeko txistulariekin kalejiran Portaleraino joateko. Kultur etxean kofrade berriak izendatuko dira: Cofradia del Relleno de Navarra, Mikel Urkola abeslaria eta Arrate filatelia elkartea. Ekitaldia amaitzeko, urterokoari jarraituta, ohorezko kofradea den Goruntz abesbatzak saioa eskainiko du. Jarraian, Iruki sagardotegira bueltatuko dira, bazkaltzeko.
