Barixakuak Jolasian ekimenak ekin dio urte berriari

...eta kitto! Euskara Elkarteak antolatzen duen Barixakuak Jolasian ekimenak hasi du urte berria eta bisitatu duen lehen auzoa Untzaga ingurua izan da. Ohiturari jarraituz 2 eta 8 urte bitarteko umeentzat jolasak antolatu zituen joan den barixakuan ...eta kitto!-k. Datozen asteotan herriko beste auzo batzuk bisitatuko ditu ekimenak: barixaku honetan, urtarrilak 24, Torrekuako parkean izango dira jolasak 17:00etatik 18:00etara eta urtarrilaren 31n, berriz, Urkizukoak.