Barixakuak Jolasian ekimenak Torrekuako parkea girotu zuen

Urrian ekin dio ikasturte berriari ...eta kitto! Euskara Elkarteak antolatzen duen Barixakuak Jolasian ekimenak. Lehenengo astean, eta estreinekoz, Egigurentarreneko parkeak hartu zituen jolasak eta joan den barixakuan Amañako Torrekuako parkearen txanda izan zen. Ederto pasa zuten bertara hurbildu ziren gaztetxoek, begiraleen laguntzarekin jolas dibertigarriak egin zituzten-eta.

Aste honetan Urkizuko parkean egingo dira 2 eta 8 urte bitarteko haurrentzat jolasak, 17:00etatik 18:00etara.