Barixakuak Jolasian ekimenak urte berriari ekingo dio gaur

…eta kitto! Euskara Elkarteak antolatzen duen Barixakuak Jolasian ekimena herriko auzoetara itzuliko da datozen asteotan. Gaur izango da lehenengoa Untzagan, harmailen aldean, 17:00etatik 18:00etara. Begiraleen laguntzarekin jolas dibertigarriak antolatuko dira, doan, etxeko txikienentzat. Hurrengo barixakuan Torrekuako parkeak hartuko ditu jolasak eta urtarrileko azkeneko egunean, berriz, Urkizukoak.