Barixakuak Jolasian-eko jolasak auzoetara itzuliko dira bihar

Barixakuak Jolasian ...eta kitto! Euskara Elkartearen ekimena bihar itzuliko da auzoetara. Ekintza hartzen lehena erdigunea izango da eta, ohiturari jarraituz, Txaltxa Zelaiko kioskoaren inguruan egingo dira jolasak 2 eta 8 urte bitarteko umeentzat. 17:00etatik 18:00etara ordubetez jolasteko eta ondo pasatzeko aukera izango dute txikienek, betiko moduan euskaraz.

Hurrengo barixakuan, martxoak 6, Torrekuako parkean antolatuko dira jolasak eta martxoaren 13an, berriz, Urkizukoan.