Belaunaldien arteko moda desfilea egingo dute gaur arratsaldean Untzagako gizarte zentroan
Untzagako gizarte etxekoek ederto ospatu zuten Gaztañerre eguna, eta gaur belaunaldien arteko moda desfilea egingo da, 18:00etatik aurrera. Arduradunen berbetan, “adin guztietako modeloak egongo dira, eta Roca, Kopiña eta Helmet House dendek hartuko dute parte. Hasieran Musika Eskolako soinujoleek erakustaldi labur bat eskainiko digu. Ondoren, modeloen lehen pasea egingo da eta, tartean, umorezko esketx batzuk izango ditugu, Bilboko Amest Bete antzerki taldearen eskutik, jarraian modeloen bigarren paseari bide emateko”. Astelehenean, berriz, “Zer behar dut tramiteak Internet bidez egiteko” izenburuko prestakuntza-hitzaldia eskainiko dute, 16:00etan, “Izenpe zer den, B@kQ-a zer den, eta horrekin zer egin daitekeen azaltzeko”. Eta eguaztenerako hitzordu bikoitza prestatu dute: 11:00etan “Administrazioa zugandik hurbil” prestakuntza-hitzaldia egingo dute, ziurtagiri digitalak zer diren irakasteko. Eta 19:15ean, berriz, Joseba Etxeberria SD Eibarko entrenatzailearekin solasaldia hasiko da. Jarraian ikus ditzakezue azarorako prestatu dituzten jarduera guztiak.
- Azaroak 15, barixakua
Belaunaldien arteko moda desfilea. 18:00etatik aurrera.
Aurten, urtero bezala itzuliko zaigu belaunaldi arteko moda desfilea, adin guztietako modeloekin. Eibarko ROCA, KOPINA eta HELMET HOUSE dendek parte hartzen dute. Hasieran Musika Eskolako akordeoi taldeak erakustaldi labur bat eskainiko digu. Ondoren, modeloen lehen emanaldi bat, eta tartean, esketx komiko batzuk, Bilboko Amets Bete antzerki taldearen eskutik, modeloen bigarren paseari bide emango diotenak. - Azaroak 18, astelehena
Erakusketa aretoa. 16:00etan. PRESTAKUNTZA-HITZALDIA: "Zer behar dut tramiteak Internet bidez egiteko".
Izenpe zer den, B@kQ-a zer den eta horrekin zer egin daitekeen azalduko dugu. - Azaroak 18 (astelehena) eta 19 (martitzena)
Informatika Gela. Online tramiteak eta mugikorreko aplikazioak berrikusteko bi ikastaro abiatu dira. - Azaroak 20, eguaztena
Garaje-gela. 11:00 "Administrazioa zugandik hurbil" PRESTAKUNTZA-HITZALDIA.
Ziurtagiri digitalak zer diren ikasiko dugu, Internet bidezko kudeaketak errazten dizkigutenak. Eta interesdunei ziurtagiriak eskatzea. - Azaroak 20, eguaztena
Erakusketa aretoa. 19:15. SOLASALDIA Joseba Etxeberria SD EIBARko entrenatzailearekin. - Azaroak 23, zapatua
2024an 85 eta 100 urte betetzen dituzten bazkideen omenezko eguna. Meza San Pio elizan, 12:30etan eta ondoren anaitasun bazkaria opari banaketarekin. - Azaroak 24, domeka
Gastronomia lehiaketa, ZURRUKUTUNA. Zabalik dago epea bikoteak apuntatzeko. Baratxuri zopa bakailaoarekin, “zurrukutuna” prestatzeko, osagarri guztiak antolaketaren eskutik. Gehienez, 10 bikote. Ordua: 12:00. - Azaroak 25, astelehena
URKO aretoa. 16:00etan "Liburutegiko liburu elektronikoak deskargatzeko modua" PRESTAKUNTZA-HITZALDIA
Untzaga-Debabarrena gure irakurketa-klubaren osagarri gisa, zeina hilean behin biltzen baita, Euskadiko liburutegi-sistemako liburuen mailegua formatu digitalean nola funtzionatzen duen ikasiko dugu, eta gero ereader liburu elektronikoen irakurgailu batera nola pasatu ikasiko dugu. - Azaroak 29, barixakua
Kafetegia. 19:00etan. Untzaga Gizarte Etxearen urteurrenaren egunean, liburu elektronikoen irakurgailu baten zozketa egingo da hilabete honetako prestakuntza eta dibulgazio digitaleko ekitaldietan parte hartu duten pertsona guztien artean. - Azaroak 30, zapatua
San Andres eguna, hilak 30, zapatua. Iaz erakusketa aretoan abian jarritako ekimenak izan zuen arrakastaren ondoren, eta gure kolaboratzaile Einer Rodriguezen eskutik, nahi duen pertsona orok (banaka edo talde txikian) Gabonetako dekoratu batekin argazki profesional bat egin ahal izango du doan. Ordutegia: 10:00etatik aurrera.
