Berbarik zatarrena Izaskun Bustinduik proposatutako "narrasa" aukeratu dute

Izaskun Bustinduik aurkeztutako narrasak irabazi du euskarazko berbarik zatarrena aukeratzeko Berba Lehiaketa, gaur goizean bertan antolatzaileek ezagutzera eman dutenez. Irabazlea aukeratzeko orduan interneten jasotako botuak eta epai-mahaiaren iritzia kontuan hartu dituzte. Bestalde, zozketa bidezko saria Nuria Fernandez de Arroiaberi egokitu zaio (berak aurkeztutako berba tronpoilo izan da).