Berbetan mintzapraktikako taldeetan izena emateko epea zabalik dago

Badira 22 urte …eta kitto! Euskara Elkarteak Berbetan mintzapraktikako programa martxan jarri zuela. Euskara praktikatzeko aukera eskaintzeko asmoz jaio zen egitasmo xume hura egitasmo sendo eta eraginkor bilakatu da. Gaur egun 80 lagunetik gora elkartzen dira astero Eibarren euskaraz jarduteko. Ikasturte berriko izen-ematea zabalik dago.

Era natural eta informalean euskaraz berba egiteko aukera eskaintzen dute Berbetan programako taldeek. Astean behin elkartzen dira, ordubetez, euskarazko mintzapraktika egiteko. Inguruan euskara norekin praktikatu ez dutenentzat aukera ederra eskaintzen du egitasmoak, eta baita azterketa prestatu, lagun berriak egin edo euskaraz berba egiteko erraztasuna berreskuratu nahi dutenentzat ere.

Taldeak astelehenetik ostiralera elkartzen dira, goizez zein arratsaldez. Urte osoan eman daiteke izena eta doan da.