Bonu-txartelen kanpaina abian, %20ko deskontuekin

Eibarko Udalak aurten ere merkataritzako eta zerbitzuetarako bonu-txartelen kanpaina jarriko du martxan, tokiko saltokiak eta herritarren kontsumoa sustatzeko asmoz. Guztira, 1.450 bonu izango dira eskuragarri, eta %20ko deskontua eskainiko dute kanpainari atxikitako ostalaritza eta elikadura arloko establezimenduetan.

Bonu-txartelak azaroaren 11n, martitzenean, jarriko dira salgai, 09:00etatik aurrera, www.erosieibarren.eus webgunean. Kanpaina azaroaren 28an amaituko da, edo bonuak agortu arte. Ekimenak 15.000 euroko dirulaguntza jasotzen du Udalaren eskutik.

Bonuen ezaugarriak:

• Gehienez bi bonu eskuratu ahalko dira NAN/AIZ bakoitzeko.
  
  

• Bi formatutan egongo dira: 50 euroko bonua edo 100 euroko bonua.
  
  

• Bonuak azaroaren 28ra arte erabili ahal izango dira atxikitako establezimenduetan.
  
  

Bonuak jasotzea:
Bonu-txartelak erosketa egin ostean bi egun balioduneko epean jaso beharko dira, dagokion establezimenduan erosketa-ziurtagiria aurkeztuta:

• Burbujas y más (Estaziño kalea)
  
  

• Lakuesta Óptica (Fermín Calbetón kalea)
  
  

Kanpaina amaitzean, bonu-txartelak erabili diren azken establezimenduan utzi beharko dira, hurrengo ekimenetan berrerabili ahal izateko.