Eibarko Aratosteek kaleak hartuko dituzte otsailaren 7tik 17ra
Eibar berriz ere kolorez, musikaz eta umorez beteko da Aratosteetan. Udalak jakinarazi duen egitarauak adin guztientzako jarduerak biltzen ditu, otsailaren 7tik 17ra bitartean; kalejirak, tailerrak, lehiaketak, erromeriak eta dantzaldiak protagonista izango dira. Hona hemen Eibarko Aratosteetako egitarau osoa, egunez egun.
Otsailak 7 KOKO-DANTZAK eta KOKO-ESKEA
Kezka dantza taldeko koko-dantzariek eta kokomarruek Aratosteak ospatuko dituzte, karnabalaren eromena eta festa baserrietara eta kalera zabalduz.
Otsailak 12 EGUEN ZURI
• 15:15. Eskoletako taldeen kalejirak
• 17:00. Urkizun hasita Untzagaraino, Jainaga eta Narbaizarekin kalejira.
• 17:00. Untzagan Lisker taldearen erromeria.
• 17:00-19:00. Untzagan, tailerrak: karetak eta makilajea Astixaren eskutik.
• 19:00. Mozorro lehiaketa, Galiziako Etxean.
Otsailak 13 ARATOSTE BARIXAKUA
• 20:00. Urkizun hasita Untzagaraino, Kaldereroen kalejira.
• 20:30. Klub Deportiboko leihotik, Aratosteetako pregoia (...eta kitto! eta Kezka Dantza Taldea).
Otsailak 14 ARATOSTE ZAPATUA
• 12:30. Rock kalean, Eibarko kaleetatik.
• 12:30. Aratosteetako koadrilen kalejira Ustekabe eta UK03 fanfarrearekin.
• 12:30-14:30. Photocalla Untzagan.
• 16:30-19:30. Puzgarriak Errebal plazian.
• 18:30. Txokolatada, Untzaga plazan.
• 19:00-21:30. Umeentzako berbena Untzagan Bada Giro taldearekin.
• 19:30. Aratosteetako koadrilen kalejira, taberna eta kartel lehiaketen sari banaketa Untzaga plazan. Urtarrilaren 26an zabalduko da lehiaketetan izena emateko epea.
• 19:00-21:00. Photocalla Untzagan.
• 19:00. Eibarko kaleetatik Latuna Bando txarangaren animazio musikala.
• 23:30-01:30. Dantzaldia Bada Giro taldearen eskutik Untzagan.
Otsailak 15 ARATOSTE DOMEKA
• 11:00. Aratosteetako kalejira, Usartza Txistulari Bandaren eskutik.
• 17:00. Umeentzako playback lehiaketa Untzagan, LH 5-6 mailetako ikasleentzat, ...eta kitto!-ren eskutik.
• 18:30. DJ Arno Untzagan.
Otsailak 17 ARATOSTE MARTITZENA
• 17:00-18:30. Untzaga plazan, umeentzako jolasak Astixaren eskutik.
• 18:30. Sardinaren entierru txikia Jainaga trikitilariz lagundua.
