Eibarko Musika Bandak agur esango dio kaleko kontzertuen denboraldiari igande honetan

Kaleko kontzertuen denboraldia amaituko da igandean Eibarko Musika Bandarentzat. “Bandaren kontzertu klasikoa izango da”, Andoni Vazquez zuzendariaren arabera. Emanaldia 12:30ean hasiko da, Toribio Etxebarria kalean, baina “eguraldi eskasa egin balu”, udaletxeko arkupeetan egingo lukete.

Errepertorioari dagokionez, honakoa esan digu Vazquezek: “’Domingo Ortega’ (Ledesma y Oropesa) pasodoblearekin hasiko gara; gero zarzuela aukeraketa batekin jarraituko dugu (‘El Bateo’, F. Chueca); euskal kantuen mix bat eskainiko dugu (‘Vasconia’, J. I. Lopez de Luzuriaga); ondoren, 1965eko pelikula baten soinu banda bat, benetan polita, jazzean oinarritua (‘The great race’, H. Mancini); eta amaitzeko, Xavier Cugat musikari katalan ospetsuaren hiru kanen moldaketa eskainiko dugu (‘Cugat’s cocktails’, R. Toombs).