EKD Trail Taldea aurkeztuko dute urriaren 1ean

Urriaren 1ean aurkeztuko dute EKD Trail Taldea. Eibarko Klub Deportiboak Kalamua Korrikalari Taldearen babesarekin bultzatu du ekimena eta mendia, korrika egitea eta komunitatea uztartzea du helburu. “Helburua ez da lehia, bakarrik. Gehiago bilatzen da mendian korrika dabilen jendea batzea eta kirol honi ikusgarritasuna ematea”, dioskue.

Taldea ez da eliteko korrikalarientzat bakarrik sortu, “hasiberrientzat, mendizaleentzat eta korrika egitea gustuko edonorentzat” baizik. Horrela, Eibar eta inguruko mendietan ibiltzeko aukera emango dute eta, horretarako, maila guztietarako irteerak antolatuko dituzte. Giro ona eta talde izaera sortzea da euren asmoa.

Esan bezala, EKD Trail Taldearen aurkezpena urriaren 1ean egingo da, osteguna, 19:00etan, Deporren.