Ekitaldiz beteta dator San Andres egunaren aurreko asteburua

San Andres eguna astelehena izan arren, gaurtik hasi eta domekara bitartean ekitaldiz betetako asteburua daukagu aurretik, talde ezberdinen ospakizunak tartean. Ustekaberen 15. urteurrena, Eibarko Bakillauaren Kofradixia, Txistorra Eguna, Jaixak Herrixak Herrixandako, Eibar foball taldeak Real Madril taldearen kontrako norgehiagoka… Jarraian asteburuko agenda daukazue.


BARIXAKUA 27

Beldur Barik
18:30.- Eibar Beldur Barik jaialdia, eibartarren lanak aurkeztu eta herri mailako sariak banatzeko. Aurretik bertso saioa, Eli Pagola, Manu Goiogana eta Nerea Elustondo bertsolariekin (gai-jartzailea, Desiree Magro). Portalean.

Kalejira
19:30.- Eibarko Kantuzaleak abesbatzaren eta Musika Eskolako trikitilarien kalejira eta otarraren zozketa (21:00ak aldera). Untzagatik abiatuta.

Inaugurazioa
19:30.- "Eibar 75 urte kromo bilduma" erakusketaren inaugurazioa. Untzagako jubilatu etxean.

Bakailao Txapelketa
19:30.- XXIII. Bakailao Txapelketaren aurkezpena eta parte hartuko dutenei produktuak banatzea. Untzagan.

Ustekabe
22:00.- Rock kontzertua: LosDelGas (Errenteria), Skapital City (Eibar), The Rockos (Eibar) eta Besteik-pe (Donostia). Ustekaberen 15. urteurrenaren harira. Untzagako karpan.


ZAPATUA 28

XIII. Txistorraren Eguna
12:00 / 15:00 eta 18:30 / 21:30.- XIII. Txistorraren Eguna. Kilometro bat txistorra pintxotan salgai ipiniko da. Egunean zehar kirol erakustaldiak, musika, jokoak… Eibarko Txirrindulari Elkarteak antolatuta. Untzagan.

Fanfarre-topaketa
17:30.- Egun osoan fanfarreak auzo guztietan kalejiran ibiliko dira, Ustekaberen 15. urteurrena ospatzeko.
19:00.- Talde guztiak Urkizun elkartu eta 19:30etan Untzagara kalejiran joango dira, han alardea egiteko.

Gabonetako tailerra
18:00.- Gabonetako tailerra, umeendako. El Corte Inglesean (ekitaldi aretoan).

Jaixak Herrixak Herrixandako
19:30.- Elektrotxaranga kalejiran abiatuko da, Untzagatik.
23:30.- Kontzertua: Joxe Replay eta Mugi Panderoa. Jaixak Herrixak Herrixandakok antolatuta. Untzagako karpan.


DOMEKA 29

Eibar-Real Madril
11:00.- Hamaiketakoa, Untzagako Jubilatu Etxean.
12:00.- Armagin-poteoa.
14:50. "Kafe-toreroa" Gurbil tabernan (kafea-sorbetea-txupitoa).
16:00.- Jokalariei harrera Ipuruan, banderekin. Eskozia La Bravak antolatuta.

Bakillauaren Kofradixia
10.30.- Eibarko Bakillauaren Kofradixiak XXII. kapitulua ospatuko du. Kanpotik etorritako kofradiei ongietorria eta hamarretako. Ipur sagardotegian.
11:30.- Kalejira herriko kaleetan, Portaleraino.
12:00.- Kofrade berriak izendatzea eta Eibarko Kaleetan Kantuz abesbatzaren emanaldia.
13:00.- Herri-txikiteoa, Eibarko Kaleetan Kantuz-ek lagunduta.
14:30.- Bazkaria. Ipur sagardotegian.

Bakailao Txapelketa
11:00.-XXIII. Bakailao Txapelketa "San Andres Saria". Untzagan.

Jaixak Herrixak Herrixandako
12:30.- Trikipoteoa, Untzagatik abiatuta.
14:00.- Bazkaria.
16:00.- Erromeria eta fandango eta arin-arin "free style" txapelketa. Jaixak Herrixak Herrixandakok antolatuta. Txaltxa Zelaian.

Herri-kirol parkea
16:30.- Herri Kirolen Haur Parkea, Kulkiren eskutik (euskeraz). Untzagan.

Dantzaldia
18:30.- Dantzaldia, eMePebo5t taldearekin. Untzagan.