Eskrima klasikoaz gozatzeko aukera izan genuen zapatuan
Armagintzaren Museoan ikusgai dagoen “Museoko ertz zorrotzak” erakusketaren harira antolatu zuten erakustaldia
2024/09/30
17:03
eta kitto!
Beste sasoi bateko irudiak ikusi ahal izan genituen zapatuan, Gasteizko CSE (Commilitium Sacrae Ensis) Eskrima Klubeko eta Donostiako Ignota Arma Aretoko kideek eskrima klasikoaren erakustaldia eskaini zutelako. Erakusketaz arduratu zirenak sasoi bakoitzari dagozkion arropak jantzita aritu ziren eta, gainera, Iker Alejo eta Francisco Peña Castresana erakusketako komisarioek arma horien erabilera zehatza erakutsi eta azaldu zituzten.
Armagintzaren Museoan ikusgai dagoen “Museoko ertz zorrotzak” erakusketaren harira antolatutako ekintza izan zen, eta museoan ikus daitezkeen arma zuri, sable eta baioneten antzekoak diren erreplikak erabilita aritu ziren Untzagan.
