Euro bat jokatuta hamaika sari irabazteko aukera Kittonbolan

Inoiz baino sari gehiago daude aurten Arratietako Kittonbolan, eta hasieratik egin dogun moduan euro baten truke. 10 urte betetzen ditu aurten kittonbolak eta hasieratik ipinitako preziuari eustiaz gain hasierako ilusioari ere eutsi diogu, urtetik urtera parte hartzaile eta opari kopurua handitzen saiatu gara, nahiz eta gaur egungo egoera duela urte batzuetakoa ez den…
Inoiz baino sari gehiago ditugu baina inoiz baino gehiago behar dugu aurten herritarron laguntza. Gogorrak izaten dihardute azkenengo urte hauek, baina momento honetako egoera gogorra edo zaila baino ia jasangaitza dela esan behar dugu , egoera ekonomikoa larria da, dirulaguntzen jaitsiera izateaz gain, publizitatea eta bestelako lanak (hitzaldiak, itzulpenak…) ere asko jaitsi direlako. Elkartearen jarraikortasuna kolokan jartzen den une honetan zuengana jotzen dugu kittonbola moduko ekimenetan parte har dezazuen eskatzeko. Kittonbolan lortutako dirua ezinbestekoa delako urteko programa betetzeko. Zuek Kittonbolan gastatzen dituzuen diruak, gero guk Eibarren euskara bultzatzeko erabiltzen dugulako.
Sari oso praktikoak
Apirilaz geroztik dihardugu sariak jasotzen eta domekan ia 6.000 sari izango  ditugu kittonbolan banatzeko prest. Krisia gizarteko sektore guztietara ailegatu da eta sariak jasotzeko orduan ere igarri dugu. Enpresa askok, bizi duten egoera larria dela eta ezin izan dute Kittonbolan parte hartu. Hala ere, inoiz baino sari gehiago ditugu, parte hartu dutenek egindako esfortzua handiagoa baita. Gure asmoa beti izan da sari kopurua ahalik eta handiena izatea, ‘jarraittu jokuan’ izeneko boletoak ahalik eta gutxien izatea. Eta aurten ere lortu dugu. Gainera, aurtengo sariak bereziki praktikoak izango direlakoan gaude. Ikusiko duzuenez, jatekoa edo erregaia debalde lortzeko baleak lortu ditugu, besteak beste, benetan be sari interesgarriak.
10.00-etan zabalik
Goizeko 6etatik aurrera izaten da ...eta kitto!ko lehenengo lantaldea Kittonbolan, aurreko egunetan ere hor izango gara. Arratera ailegatu eta berehala igartzen dugu jendeak Kittonbolia noiz zabalduko den galdetzen digute-eta. Jendeari gustatzen zaiola badakigu eta zueri boletoak saltzen hasteko desiatzen egongo gara. Urtero legez goizeko 10.00-etan zabalduko dugu eta sari guztiak ia lehenbailehen banatzen ditugun, seinale ona izango da-eta.
Eta aurtengoan, lehen esan dugun moduan, sari asko dugu. Urtero bezala, sariak momentuan jaso beharko dira. Hor duzue zuen zain opari mordoa: tablet-a, nintendoak, bizikletak, afariak, txuletak, legatza, rapea, langostinoak, jamoia, etxerako tresnak, jantziak, edertasuna tratamenduak, kamisetak, edariak, erosketa baleak eta abar luzea.
Arrate egunean opariz beteta izango dugu  Kittonbolia. Euro baten truke opariarekin etxera bueltatzeko aukera asko izango dituzue. Eskerrik asko parte hartu duten denda eta
enpresa guztiei!!!

• Alzolako Urak
• Amaña gasolindegia
• Ansa bitxitegia
• Arregi-Dominguez arraindegia
• Artola jatetxea
• Askasibar
• Aspe
• Astelena taberna
• Astigarraga
• Athletic club
• Azitain erretegia
• Azitain gasolindegia
• Azpiri jostundegia
• Azpiri saneamenduak
• Baglietto
• Benicoba
• Blanca loradenda
• Burbujas y mas
• Capi
• Coca Cola - Norbega
• Depor taberna
• Dirdai bitxitegia
• Ditare
• e&m argazkidenda
• Egaña elektrodomestikoak
• Eguren elektrodomestikoak
• Eibar Eskubaloia
• Eibar Futbol Taldea
• Eibar Motor
• Eibar outlet
• Eibar Rugby Taldea
• Eibarbus
• Eibarko Txirrindulari Elkartea
• Eibarko Udala
• El Cantón de la Avenida
• El Corte Inglés
• Emankor
• En Boga ileapaindegia
• Eroski Eibar
• Errebal Kirolak
• Eslune
• Esteban Oroz
• Farmalur
• Garbibox
• Genoveva arraindegia
• Gerritek
• Gratzina
• Guby mutilak
• Guby neskak
• Guillermo arraindegia
• Homme
• Hotel Unzaga Plaza
• Idoia Bergaretxe spa
• Ikusi-makusi
• Industrias G. Arizaga
• Industrias Mail
• Industrias Rosi
• Iñaki del Rey
• Irritsa
• Itxesi
• Izadi loradenda
• Jauregi
• Jaz-Zubiaurre
• Jeronimo
• Kantabria jatetxea
• Kantoi gasolindegia
• Kareaga
• Katetxo
• Kerala
• Ketesa
• Kokein
• Krabelin
• Kultu taberna
• Laboral Kutxa
• Lakett
• La Tahona
• Laumar loradenda
• Leder
• Lide
• Lola’s
• Luis del Rey
• Mamacas
• Mara-mara
• Marian-Idoia spa
• + q wapos
• Meka-Hotel
• Mertxe gazta eta txerrikiak
• Mujika harategia
• Natural
• Neure
• Oberena harategia
• Otegi harategia
• Pirritx eta Porrotx
• Pitxiak
• Publiresa
• Quetzal
• Sabores
• Salaberria bitxitegia
• Selene
• Su Ta Gar
• Talleres Aibe
• Tiro Pichon jatetxea
• Tribeka
• Txutxufletas
• Umea
• Urdanibia
• Urkotronik
• Ustekabe
• Vinos Solera Eibarresa
• Valenciaga
• Yraolagoitia liburudenda
• Zurkulu