Frantsesa praktikatzeko bileretan parte-hartzeko izen-ematea zabalik dago

Juan San Martin liburutegiak frantsesa praktikatzeko bilerak hartuko ditu astero, 19:00etatik 20:30era, Michel Rocafortek dinamizatuta. Bertan parte hartu ahal izateko, gutxieneko elkarrizketa-maila B1 izan behar da eta formulario bat bete behar da urriaren 30a baino lehen.

Saioak azaroaren 3an hasiko dira eta azkena ekainaren 15ean egingo da.

Hauek dira jardueraren helburuak:

- Liburutegia hizkuntzak era ez formal baten ikasteko erabiltzea

- Liburutegiko hizkuntzak ikasteko fondoa erabiltzea

- Liburutegiaren erabiltzaileen esperientzia eta ezagutza aprobetxatzea

- Gizarte harremanak sustatzea: liburutegia sozializazio gune izatea

- Gure erabiltzaileentzat interesgarriak diren jakintza esparruei lekua egitea liburutegian

- Hizkuntzak landuta norbere perfil profesionala hobetzeko gune gisa erabiltzea Liburutegia

- Jarduera hau hizkuntzen ikaskuntzaren lagungarri gisa hartzea eta ez ikaskuntza formalaren ordezko gisa.