Garaipen gutxi asteburu honetan Eibar Saskibaloiko taldeentzat
Asteburu honetan Eibar Saskibaloiko taldeek jardunaldi betea izan dute kategoria ezberdinetan. Kategoria nagusi eta seniorrei dagokienez, gizonezkoen lehen mailako taldeak, Artesanos Juantxok, porrota jasan zuen AZ Casa La Riojaren aurka (86-42), eta emakumezkoen bigarren mailako taldeak ere ezin izan zuen garaipena lortu Lana Aloña Mendiren aurkako partiduan (79-22). Gainera, senior mutilen hirugarren mailan, Eibar Saskibaloia U22 taldeak 35 eta 60 galdu zuen Askatuak Gipuzkoaren kontra.
Norgehiagoka hauetatik haratago, harrobiko taldeek emaitza oso positiboak sinatu zituzten. Junior mailan, mutilen taldeak garaipena lortu zuen Oiarso SKT-ren aurka (63-50), eta emakumezkoen juniorrek ere garaipen handia ekarri zuten etxera C.D.B Erroibide mendean hartuta (21-47). Kadete mailari dagokionez, 2011ko mutilen taldeak garaipena lortu zuen Innovachefen aurka (34-40), baina 2012ko kadete mutilek ez zuten zorterik izan CD Internacional Mons taldearen kontra (20-95), eta kadete emakumezkoek ere estu galdu zuten Plastigaurren aurka (28-34). Azkenik, infantil mailako partiduetan, mutilen talde haundiak porrota jasan zuen Revidacell Hondarribiaren aurka (16-57), eta infantil txiki emakumezkoek ere galdu egin zuten Ordizia Txiki Lacturaleren kontra (5-48).
