Gaur banatu dira ...eta kitto! astekariak antolatutako 29. Eibarko Kirol Sariak
Gaur eguerdian Coliseo antzokiak hartu duen ekitaldian banatu ditugu ...eta kitto! astekariak antolatzen duen Eibarko Kirol Sarien 29. edizioko sariak. Eibarren egiten diren kirol-modalitate guztietan izendatutakoek sari bana jaso dute. Gainera, atletismoko Egidazu-De Diego Lantaldeak sari berezia jaso du; euskara saria Klub Deportiboko Mari Fran Aranari eman diote; sustapen saria, berriz, Alkideba enpresari; eta errekonozimendu berezia egin zaio aurten 100 urte bete dituen Eibarko Klub Deportiboari. Aurten 30 sari banatu dira guztira. Gainera, ODE musika talde sortu berriak bere aurkezpena egin du gaurko ekitaldian, eta zuzeneko musikarekin girotu dute urte amaierako kirol-jaia. Ekitaldian parte hartu duten kirol talde guztiei eskerrak eman nahi dizkiegu, irabazleak zoriontzeaz gain. Bestalde, sari-banaketa ekitaldia streaming bidez eman dugu gure YouTube kanalaren bitartez, eta HEMEN ikusi dezakezue.
