Gaur zabaltzen da izenematea “Udan jolasean”, “Oporrak afariketan“, “Firin Faran” eta “Umiak Firin Faran” udalekuetan
2022/04/25
10:57
eta kitto!
Gaurtik aurrera, apirilak 25, eta maiatzaren 4ra bitartean "Oporrak afariketan", "Udan jolasean", "Firin Faran" eta "Umiak Firin Faran" udalekuetan parte hartzeko izen-emate epea egongo da zabalik. EPEZ KANPOKO AURREMATRIKULAK EZ DIRA ONARTUKO. Beraz, Udalekuetan parte hartzeko EZINBESTEKOA DA aurrematrikula epearen barruan egitea.
5-11 urte bitarteko haurrentzako Eibarko Udalak udararako antolatzen dituen eta Astixak gestionatzen dituen udaleku irekiak dira. Udan jolasean eta Umiak firin faran programak 5 urteko haurrei zuzenduak daude, hau da, 2016. urtean jaiotako haurrentzat. Oporrak afariketan eta Firin faran programak aldiz, lehen hezkuntzako 1. mailatik 6. mailara bitarteko haurrentzat zuzenduak daude.
Aurre-matrikula betetzerakoan programa ondo aukeratu beharra dago, "programa bakoitzak bere aurre-matrikula formulario propioa baitu", azaldu dute arduradunek. Aurre matrikula egiterakoan beste bi lagunen izena eman ahalko da. Bakoitzak bere aurre-matrikula egin behar du eta taldekideen izena jarri. "EZ SORTU LAGUN TALDERIK edo KATERIK, HAINBAT UMEREN ARTEAN 4 edo 5 LAGUN KATEATUZ. Kate hauek desegingo dira eta haurrak indibidualki joango baitira ZOZKETARA", oharatazi dute.
Informazio guztia (txandak, prezioak...) eta formularioak esteka honetan aurki daiteke: https://www.eibar.eus/eu/kultura/albisteak/udaleku-irekiak-2022
