Gazte Safa elkarteak dastaketa eta berbalagun espazioak antolatu ditu azaroaren 13rako
Euskal eta marokoar kulturak mahai baten inguruan elkartzeko gastronomia tailerra egingo dute
2026/11/02
12:57
Ekhi Belar Errasti
Gazte Safa elkarteak ‘Dastaketa eta Berbalagun espazioak’ ekimena antolatu du azaroaren 13rako, ostiralerako. Jarduera 17:00etan izango da, Eibarko Portalean, hirugarren solairuan, eta euskal zein marokoar kultura gastronomiaren bidez ezagutzeko aukera eskainiko du.
Saioan, parte-hartzaileek Marokoko kuskusa dastatu eta bi kulturen inguruan hitz egiteko aukera izango dute, mahai baten bueltan.
Izena emateko, gaztesafa@gmail.com helbidera idatzi edo 631 330 218 telefono zenbakira deitu daiteke.
