Gipuzkoako Ingeniaritza Eskolako graduazio ekitaldia ospatu dute

Barixakuan Energia Berriztagarrien Ingeniaritza Graduko X. promozioko eta Kontrola Sare Elektriko Adimentsu eta Sorkuntza Banatuan Unibertsitate Masterreko VII. promozioko titulatuen graduazio ekitaldia egin zen Eibarko Hezkuntza Esparruan. Agustin Erkizia UPV/EHUko Gipuzkoako Campuseko errektoreordea, Jon Iraola Eibarko alkatea, Miren Artaraz unibertsitate politika eta koordinazio zuzendaria Eusko Jaurlaritzan, Xabier Ostolaza Gipuzkoako Ingeniaritza Eskolako zuzendaria eta Patxi Alkorta Gipuzkoako Ingeniaritza Eskolako Eibarko ataleko koordinatzailea izan ziren diplomak banatzeko ekitaldiaren buru.