Giro eguzkitsuarekin hasiko dugu asteburua, goibel amaitzeko

Azken egunotako hodeiak atzean lagako ditugu asteburu eguzkitsuari ongietorria emateko. Horrela, nahiz eta eguna behe-lainoekin hasi dugun, zeru garbia izango dugu egun guztian zehar eta tenperaturak ere igo egingo dira (25ºC inguruan).



Bihar goizean goizetik izango dugu eguzkia eta tenperaturak are beroagoak izango dira (30ºC inguru), baina arratsaldean, eguneko bero pilaketaren ondorioz, bero-hodeiak garatuz joango dira.



Hodeiak geratzeko etorriko dira eta domekan zerua estalita izango dugu goizean goizetik. Gainera, zirimiria egin dezake han-hemenka. Tenperaturak behera egingo du (24ºC inguru).