Greziako errefuxiatuei jaten emateko 12.000 kilotik gora janari bildu da Debabarrenean
Horrez gain 12.000 bat euro lortu dituzte, horietatik 5.000 euro baino gehiago rifak salduta.
2025/04/01
23:24
eta kitto!
Debabarreneko erronka solidarioko antolatzaileak eta laguntzaileetako asko elkartu dira gaur arratsaldean Urkotronik vending enpresaren egoitzan, Zaporeak proiektuarentzat bildu denaren berri emateko. Aurreko astean eskualdeko herrietan egin zen elikagaien bilketak harrera ezinhobea izan du beste behin, eta Greziara laster bidaliko diren 12 tona janari biltzea lortu dute. Gainera, rifen salmentari esker Zaporeak proiektuari laguntzeko 5.000 euro baino gehiago bildu dituzte, eta horri dohaitzak eta bestela jasotakoa batuta, guztira 12.000 euro inguru izango direla kalkulatu dute antolatzaileek.
