Guraso berbalagunak Urretxuko Erle Museoan

Joan den zapatuan Gurasoak Berbetan egitasmoko guraso eta ume talde eder bat egon zen Urretxuko Aikur Erle Museoan. Hiru orduko bisitan erleei buruzko gauza ugari ikasi zituzten, amaieran argizarizko kandelak egiteko aukera izan zuten, eta horrez gainera, ezti-pote bana ere eraman zuten etxera.

Museoko bisitaren ondoren aldamenean dagoen Santa Barbaran bazkaldu eta pozarren itzuli ziren Eibarrera.