Guraso Berbalagunek ikasturtea agurtu dute

Aurreko barixakuan, Guraso Berbalagunak egitasmoan parte hartzen diharduten gurasoek, agur esan zioten ikasturteari. Arratsaldean. euren seme-alabekin batera, tailerra izan zuten ...eta kitto!-n. Gominolazko lore politak egin zituzten, loreontzi eta guzti. Eta iluntze partean, afarimerienda gozoarekin batera agurtu zuten ikasturtea. Dena dela, oporrak hartu aurretik, beste ekintza bat antolatuko du ...eta kitto!-k Gurasoak Berbetan egitasmoaren barruan. Ekainaren 16an, eguena, Plaza Bete Poz ikuskizunarekin gorputza eta mingaina dantzan jartzeko aukera izango dute, ume zein helduek, arratsaldeko 17:00etatik aurrera Urkizuko parkean.