Haurreskolako 40 plaza gehiago sortuko dituzte herrian dagoen eskaerari erantzuteko

Udalak bi lokal egokituko ditu 0-2 urte bitarteko umeentzat, Jazinto Olaben eta Blas Etxeberrian, 2025ean eta 2026an, Haurreskolako 40 plaza berri eskaintzeko. “Azken hilabeteetan, familia askok kezkatuta jo dute Udalera, Haurreskoletan plaza gutxi daudela salatzeko”, dio Udalak. Beraz, “herrian dagoen eskaerari erantzuteko” hartu du neurri hau. Izan ere, eskabideetan gorakada egon da, “bereziki 2023-24 ikasturtean zerbitzua doakoa egin zenetik”.

Jazinto Olabeko lokala ludoteka ondan egongo da eta Blas Etxeberria kalekoa El Cascoko eraikin berrietako baten etxabean. Jon Iraolaren hitzetan “Asmoa da lokal bat aurten egokitzea eta bestea datorren urtean. Hala ere, plan hauek aldatu eta obra biak aurten egin litezke, eskuragarri dagoen aurrekontuaren arabera. Obrak eginda daudenean, Haurreskolen Partzuergoaren esku lagako ditugu".