Hileroko kantu-kalejira egin du gaur Kaleetan Kantuz abesbatzak

Esperientzia Eskolaren baitan sortutako jardueretako bat da.
2025/03/15 14:31
eta kitto!

Hileroko martxan, irteera egin du gaur Kaleetan Kantuz abesbatzak. Esperientzia Eskolaren hirugarren promozioaren proiektu sozialaren emaitza bezala sortu zen Kaleetan Kantuz, eta Ikasten Elkartearen parte izatera pasatu zen. Taldearen helburua Eibarko taberna eta kaleetan kantuan egiteko zegoen ohitura berreskuratzea da. Lehendabiziko irteera 2007ko abenduan egin zuten, gabonetako kantuz osatutako errepertorioarekin. Gaur egun hilean behin egiten dute irteera programatua, Eibarko Musika Eskolako soinujoleek lagunduta. Astean behin izaten dira entseguak, 19:30etik 21:00etara, San Andres parrokian.